😘Mon Wong💋的部落格(๑•̀ᄇ•́)و ✧

仔仔，祝您15歲生日快樂啊！

15年前的今天，仍是未婚媽媽的我，帶著忐忑不安的緊張心情以及你在肚子裡帶著樂急速劇痛的節奏便被醫護人員匆忙地把我推到了產房… 由於我的身體狀況不容許打止痛針，助產士只用最初級的麻醉“吸笑氣”罷了， 但這種初級麻醉真的一丁點兒作用也沒有，隨著子宮收縮的逐漸頻密， 肚和後背的痛楚猶如把我的身體撕裂，當時我痛得就連呼叫求救護士的氣力也沒有， 助產士子冷冷地對我說一句：「 妳唔好再叫喇，留番啖氣用力谷個BB出嚟啦， 第一次生仔係咁㗎啦…」 劇痛令我再無力反駁， 我一邊哭著，一邊打側身抱著肚曲著腰， 助產士多次叫我休息完就要“用力谷”， 但是我真的無能為力，即使助產士的態度逐漸變為喝罵我：「 妳用少少力得唔得呀？妳唔好咁自私啦，妳只顧住自己痛，BB喺妳肚裏面一樣辛苦，你再唔肯用力，BB就會缺氧…」， 我有試過用力，可惜我也實在辦不到…

我已在產房已將近六小時，但我仍舊側身抱著肚，仍舊一丁點也用不出力， 助產士開始焦急地看著各種儀器，顯示出你的心跳已開始逐漸變慢， 然後佢離開咗我身邊，叫咗個男醫生入嚟（ 原來喺劇痛嘅時候， 係再唔會覺得尷尬…）， 醫生睇完嗰個儀器之後，醫生用双手放喺我肚上面， 叫我配合佢嘅動作去用力谷，左邊推推右邊推推，突然醫生大力一推， 隨著劇烈嘅撕裂痛楚，你就降臨喺呢個世界上， 醫護人員圍住你好一陣子先聽到你終於喊出聲， 由於你係一個早產兒， 一出世只得4磅多實在太細太弱，要繼續去做檢查，所以只能簡單用毛巾包住俾我望一眼，就把你放入氧氣箱兼照燈…